الدراسة في روسيا
يقدم لكم موقعكم المتميز العاصمة وبخاصة لمتابعية العديد من الخدمات التي قد يبحث عنها الكثير على الشبكة العنكبوتية لساعات طويلة ويخرج في نهاية المطاف صفر اليدين لذلك نوفر لك متابعنا العزيز هذه الخدمات عبر موقعنا ونسهل عليك في الوصول اليها واليوم نقدم لك الدراسة في روسيا
هنتكلم النهارده عن الدراسة في "روسيا" 🇷🇺 ..
❇️ ليه اختار الدراسة في روسيا ؟ 🤔
- الدراسه هناك تعتبر من أرخص الدول- مش بتتطلب نسب معينه للقبول في الجامعة
- 90% من الجامعات شهادتها معترف بيها في مصر ودول تانية
- إجراءات السفر سهله
❇️ هل الفيزا سهل الحصول عليها وايه الأسعار ؟
الفيزا ملهاش سعر بس هي على حسب الشخص اللي هيجيبهالك هياخد عمولة قد ايه❇️ ايه الشروط المطلوبه للقبول ؟
مفيش مقابلة ولا اختبار أيلتس ولا توفل ولا حتى كشف حساب برضو ومفيش شروط قبول ولا في تنسيق❇️ ايه الوضع بالنسبه للجامعات ؟
مفيش جامعات خاصة طبعًا كله حكومي .. أما أسعار التخصصات، الهندسة تبدأ من 1500 دولار للسنة فما فوق ومدتها 4 سنين + سنة إعداديالطب من 2000 دولار للسنة فما فوق بتختلف على حسب الجامعة والمكان .. ينقسم الطب إلى (صيدله - أسنان - أطفال) ومدة الدراسه 5 سنين
باقي الأقسام 6 سنين + السنة التحضيري عشان اللغة الروسي
والجامعات قوية بتدرس بالروسي لأن انت بتدرس مع ولاد البلد فـ بتدرس صح زيهم وبتتعامل زيك زيهم ..
❇️ تكاليف السنة التحضريه كام تقريبًا ؟
- بتختلف حسب الجامعة أو المعهد اللي هتدرس فيه وتعتمد على توفر المقاعد لما تقرر تقدم تشوف السعر النهائي وبيكون شامل للسكن والتأمين وكل حاجه بداية من استقبالك في المطار لوصولك السكن❇️ هل في إمكانيه تحويل أو مثلًا أكمل دراستي هناك ؟
لو حد مثلًا حب يروح يكمل هناك بيقدم عادي وبيقبلوه بس طبعًا بيعيد من الأول لو نفس تخصصه وده الأفضل ليهوتختلف برضو حسب الجامعة مش كلهم بيتم قبولهم
❇️ ايه هي اللغة اللي بيتم الدراسة بيها ؟
لغة الدراسة في بالروسي وفي بالإنجليزي بس لو هتدرس بالإنجليزي هتبقى التكلفة أعلى شوية عشان طبيعة الدراسة هناك بالروسي مع العلم إن الدراسة بالانجليزي مش متوفره في كل الجامعات هناكطبعًا هتحتاج يكون عندك مصطلحات روسي عشان تقدر تتعامل هناك سواء للدراسة أو فيما بعد لو اشتغلت
❇️ هل المعيشه غاليه هناك وايه اخبار السكن ؟
- المعيشه هناك من 150 لـ 200 دولار شهريًا تقريبًا وتختلف حسب احتياجات كل شخص- أما بالنسبة لمناطق السكن هناك فـ دي ترجع على حسب مقدرة الطالب فـ لو مثلا واحد في مقدرته انه يدفع 10 آلاف دولار سنويًا ممكن يعقد في موسكو العاصمة ويدرس في جامعة موسكو الأساسية لكن لو واحد مش هيقدر يبقى يبعد عن العاصمة أفضله وكل ما تبعد عن العاصمة بتلاقي المعيشه معقولة
❇️ الشهاده معتمده أو لا ؟
الشهادة طبعًا معتمده في مصر وبره مصر فـ دول كتير ..❇️ هل في إمكانيه للشغل أثناء الدراسة ؟
بالنسبة للشغل هناك أثناء الدراسة هو طبعًا مش قانوني بس عادي بتشتغل محدش بيقولك حاجةليك في آخر سنة ونص ممكن تاخد من الجامعة ورقة وتشتغل قانوني وبيبقى ليك عدد ساعات معين بس في أثناء الدراسة بتشتغل عادي محدش بيقولك رايح فين ولا جاي منين ولا الشرطة بتكلمك ولا أي حاجة
