-->

الدراسة في تركيا

/ تاريخ النشر :








يقدم لكم موقعكم المتميز العاصمة وبخاصة لمتابعية العديد من الخدمات التي قد يبحث عنها الكثير على الشبكة العنكبوتية لساعات طويلة ويخرج في نهاية المطاف صفر اليدين لذلك نوفر لك متابعنا العزيز هذه الخدمات عبر موقعنا ونسهل عليك في الوصول اليها واليوم نقدم لك  الدراسة في تركيا




هنبدأ معاكم بإذن الله سلسلة الدراسة بالخارج ✈️
ناس كتير بتدور على فرص دراسية أفضل خوفًا من التنسيق فاحنا هنحاول نسهل عليكم الموضوع شويه ..
أول دولة معانا هي " تركيا 🇹🇷"

💠 ليه اختار تركيا كـ دولة للدراسة ايه مميزاتها يعني؟

- دولة إسلاميه
- مستوى عالي من الجودة في الدراسة
- شهادتها معترف بيها عالميًا
- بيئه آمنه وتحف بالدفء والصداقه
-مدن جامعية عصريه وإمكانيات متطورة
💠 الدراسه في تركيا تنقسم لقسمين إما جامعات حكوميه ممكن عن طريق منحه أو بتقدم فيها بـ 3 طرق ( النت - تروح الكليه بنفسك - البريد) والطرق دي لبعض الجامعات مش كلها لأن في جامعات مينفعش غير طريقه واحده منهم وفي بعض الجامعات بتشترط رسوم للتقديم تقريبا 30 دولار
أو الإختيار التاني انك تدرس في الجامعات الخاصه ..
الجامعات الخاصة غالية جدًا اما الحكومية شبه مجانية إلا بعض الجامعات بيبقى في رسوم رمزية زي 1000 دولار مثلًا ..
-نسب القبول في التخصصات الطبية +90% و الهندسية +80%
في جامعات بتطلب توفل أو أيلتس
و في جامعات بتعمل امتحان اللغة ولازم تجيب سكور الجامعة في الإنجلش و لو منجحتش بتدرس لغه في معهد الجامعة لمدة ترم أو سنة على حسب مستواك في الإمتحان وبعدها تدخل التخصص عادي
- كل التخصصات موجودة، بالنسبه لعدد السنين الدراسية
على سبيل المثال في جامعات هندسة 4 سنين وجامعات تانية 5 .. على حسب مفيش حاجة معممة!


* لو انت مخلص ثانوي هتقدم بكالوريوس*

.💠 ايه هي اللغه اللي بيتم الدراسه بيها؟

الدراسه في الحكومي كله بالتركي ما عدا 4 جامعات وفي بعض الجامعات لازم تدرس سنة لغة .. إنما الخاص أغلبه بالانجلش في البداية في اختبار إنجلش أيلتس أو توفل أو سات .. ع حسب كل جامعة و شروطها

💠 المصاريف الإداريه والكتب ايه اسعارها؟

الكتب الدراسيه والمصاريف الاداريه ممكن تتكلف 100 - 150 دولار لكل فتره دراسية

💠 هل ممكن لو درست طب مثلًا في مصر أحول وأكمل في تركيا أو لو دخلت اي كليه أقدم في تركيا على كليه مختلفه؟

- لو نفس التخصص ممكن عادي في جامعات بتعمل معادلة ويكمل وجامعات تبدأ من أول وجديد
- اما لو هتدخل تخصص مختلف ممكن عادي بس اهم حاجه النسبه زي ما ذكرنا فوق

💠 طيب هل المعيشه هناك غاليه والسكن والمواصلات؟

تتراوح المصاريف الشهريه لمعيشة طالب من 500-600 دولار شهريًا حسب كل فرد
المعيشة بالنسبه للاكل والشرب رخيصة جدًا عكس الدراسة تمامًا بعض الجامعات بتقدم خدمات الاكل بنوعية كويسه وبدائل متنوعه وبأسعار مناسبه والكافيهات في الحرم الجامعي خيار تاني قدامك ..
وممكن لو حابب انت تطبخ بنفسك 😅
اما السكن أسعاره بتختلف من منطقة للتانية أكيد وأغلب الجامعات متوفر فيها سكن داخلي ولو سكن خارجي متوسط 500 ليره تركيه إيجار شهري
بالنسبة للمواصلات وسائل النقل العام متوفره بشكل كبير من حافلات أو ميني باص أو مترو الأنفاق و ده موجود في المدن الكبيره بس
وكمان بعد ما تحصل على إقامة الطالب بتطلع كارت المواصلات المخفض والتأمين الكلام ده كله تابع للخاص، لكن لو تبع المنحة الجامعة الحكومية بتتكفل لك بكل حاجة

💠 طيب هل الفيزا سهل الحصول عليها ولا لا ؟

الفيزا سهل الحصول عليها جدًا، بتكون إلكترونية من موقع وزارة الخارجية التركية أدناها شهر وأقصاها 6 شهور والـ 6 شهور بـ 20 دولار بيتدفعوا على النت وملهاش شروط لأنها بتكون سياحية في الأول لحد ما تسافر هناك وتطلع إقامة طالب بعد ما تقدم في الجامعة
ده لينك التقديم على الفيزا ..
اضغط هنا

💠في النقطه دي هنذكر ليكم بعض أشهر الجامعات الموجوده في تركيا .. 

🔺جامعه الشرق الأوسط التقنيه🔺
- مقرها... أنقرة /حكوميه
- تحتل المركز ال 456 في العالم
-لغه الدراسه.. الانجليزيه
- الكليات.. هندسه - الآداب والعلوم - العلوم الاقتصادية والاداريه - التربيه
🔺جامعه بيلكنت🔺
-مقرها.. أنقرة / خاصة
- تحتل المركز ال 678 في العالم وتعد الثانيه محليا في مجال الهندسه والتكنولوجيا
-لغه الدراسه.. الانجليزيه
-الكليات.. حقوق-فنون جميله - تصميم وعماره - علوم سياسية - هندسه - اداره أعمال - موسيقى ومسرح - تجاره - آداب - تربيه - اقتصاد
🔺جامعه إسطنبول 🔺
- مقرها.. اسطنبول /حكوميه
- تحتل المركز ال 710 على العالم وتعد ال5 محليا والأولى في المجال الطبي
- لغه الدراسه... تختلف حسب المجال
تتضمن كافه التخصصات
🔺جامعه أنقرة 🔺
- مقرها.. أنقره /حكوميه
-تحتل المركز 743 على العالم
- لغه الدراسه.. تختلف حسب الكليه
-الكليات.. لغه وتاريخ وجغرافيا - طب الأسنان - العلوم السياسيه - الهندسه - الصيدله والطب - الشريعه - العلوم الزراعيه - البيطره - الاتصال
🔺جامعه الاناضول🔺
-مقرها.. اسكيشهير / حكوميه
-تحتل المركز 318 من بين الجامعات الاوربيه والثامنه محليًا
-لغه الدراسه.. تختلف حسب الكليه
-الكليات.. تشمل كافه التخصصات بما فيها علوم الفضاء والطيران، السياحه وإداره الأعمال

💠 آخر نقطه هنتكلم فيها هي أوراق التقديم اللي بتحتاج ليها .. 

- أصل شهاده الثانويه موثقه
-صورة من جواز السفر
- 6 صور شخصيه
- صورة من الإقامه التركيه " دي آخر خطوه بعد التقديم بتطلع لما بتسافر هناك بتأخد ورقة من الجامعة تروح بيها المصالح الحكومية تطلعها"