الدراسة في ماليزيا

الدراسة في ماليزيا







    يقدم لكم موقعكم المتميز العاصمة وبخاصة لمتابعية العديد من الخدمات التي قد يبحث عنها الكثير على الشبكة العنكبوتية لساعات طويلة ويخرج في نهاية المطاف صفر اليدين لذلك نوفر لك متابعنا العزيز هذه الخدمات عبر موقعنا ونسهل عليك في الوصول اليها واليوم نقدم لك  الدراسة في ماليزيا.


    هنتكلم النهارده عن "ماليزيا" 🇲🇾

    🔘 ليه اختار ماليزيا عشان أكمل دراستي فيها ؟ 🤔

    - تتميز ماليزيا بجودة التعليم وفق المقاييس العالميه كما تحظى مؤسساتها التعليميه بالإعتراف العالمي في كثير من الدول
    - الدراسة باللغة الإنجليزية، وسهولة التواصل والتعامل باللغة الإنجليزية
    - تتوفر في الجامعات الماليزيه كافة الأقسام الدراسية والتخصصات الدقيقة
    - تعتبر ماليزيا بلد إسلامي وسياحي
    - توفر عدة فروع للجامعات العالمية وبأسعار تنافسية
    - النفقات منخفضة نسبيًا للدراسة والعيش في ماليزيا

    🔘 القدرة على الحصول على شهادات من الجامعات الأجنبية: 

    يستطيع الطلاب الأجانب والمحليين في ماليزيا الحصول على شهادات من الجامعات الأجنبية في عدد من الدول مثل: أستراليا، والولايات المتحدة، والمملكة المتحدة، فرنسا، كندا .. إلخ

    🔘 بالنسبه للمعيشه:

    السكن تكلفته بتتراوح بين 200-800 رنجت على حسب احتياجك
    المصاريف الشهرية في حدود 400-500 رنجت لو هتطبخ في السكن لكن لو هتعتمد على المطاعم هتصرف حوالي 800-1000 رنجت والمصاريف بتختلف من مكان للتاني ممكن تقل وممكن تزيد (1 رينجت = 4.45 جنيه) السعر تقريبي

    🔘 ماليزيا بتتميز بالهندسة والبيزنس وتخصصات الكمبيوتر اما التخصصات الطبيه بتكون مكلفه وجودة التعليم ضعيفه

    عدد سنين دراسة الهندسة 4 سنين وبيقلوا في بعض الجامعات لـ 3
    لكن ممكن يزيدوا ترم فاونديشن (تحضيري) في بعض الجامعات بتدرس فيه مواد بتختلف على حسب التخصص
    يعني تخصصات الهندسة بتدرس فيها رياضيات وفيزياء وكيمياء
    أما بالنسبة للبيزنس فـ تعتبر ماليزيا قوية جدًا في التخصص ده ومن ضمن الـ 10 دول الأوائل على العالم في دراسة البيزنس ومن أقسام التخصص ده (إدارة أعمال، إدارة مالية، محاسبة، تسويق .. وفي غيرهم لكن دول أبرز الأقسام)

    🔘 لغة الدراسة:

    لغة الدراسة هناك بتكون بالإنجليزي وبتحتاج لشهادة أيلتس أو تويفل أو ELS
    متوسط المعدل المطلوب للأيلتس في الجامعات الحكومية بيكون تقريبًا "6" ودي درجة سهل الحصول عليها
    بعض الجامعات الحكومية تقدر تدرس فيها لغة بس بتكون صعبة ويُفضل يكون معاك أيلتس
    هنا هتعرف إزاي تمتحن أيلتس وتحقق درجة كويسه ..
    اضغط هنا

    🔘 بالنسبة للجامعات الحكومية:

    الجامعات الحكومية في ماليزيا سعرها يبدأ من 1500 – 4000 دولار في السنة وبتختلف على حسب الجامعة
    وهنا قائمة بأحسن الجامعات في ماليزيا:
    اضغط هنا
    ولازم مجموع الثانوية يكون حد أدنى 80%‏ و في بعض الجامعات بتاخد فوق 90% على حسب التخصص اللي انت هتقدم عليه
    والميزة في الجامعات الحكومية ان التكلفة أقل بكتير من الجامعات الخاصة
    🔺 النسبة المطلوبه لـ ٣ سنين ثانوي لو دارس في السعودية (القدرات مش مطلوبة) لكن لو مصر النسبة لـ تالته ثانوي بس وكل دوله بتختلف على حسب نظام الثانوية فيها

    ▪️بالنسبة للتحويل:
    متاح، بتعمل معادلة بالمواد اللي درستها في الجامعة اللي انت فيها وبتكمل دراسة في ماليزيا

    🔘 بالنسبة للجامعات الخاصة: 

    الجامعات الخاصة هنا سعرها بيبدأ من 4000 – 7000 دولار في السنة
    ولو انت طالب بتدرس في مصر تقدر تعمل معادلة وتيجي تكمل دراسة هنا بس تكون جايب تقدير جيد جدًا فما فوق ومش كل الجامعات ممكن تتقبل
    الجامعات الخاصة مشترطه بلغة انجليزي أيلتس
    ولو مش معاك أيلتس تقدر تيجي الجامعة وتدرس في معهد الجامعة
    المجموع يكون من 60% وما فوق

    🔘 الشهادات الماليزيه مُعتمده من البورد الأمريكي والأسترالي، ولما بتتخرج من جامعة في ماليزيا تخصص هندسة بيكون ليك الحق انك تاخد فيزا لأستراليا لمدة سنة ونص وبتكون مضمونة

    🔘 الورق المطلوب: 

    - شهادة الثانوية مترجمة موثقة من الخارجية أصل وصورة (بعض الجامعات تطلب الشهادة بالعربي و بالإنجليزي موثقة)
    - شهادة أيلتس أو توفيل (بتختلف الدرجة على حسب التخصص)
    - جواز السفر متصور من أول صفحه لآخر صفحة scanner

    🔘 بالنسبة للفيزا: 

    الفيزا سهل الحصول عليها بس بتحتاج وقت حوالي 3 شهور وتكلفتها بتختلف من جامعة لأخرى
    مفيش مقابلة في السفارة بس بتحتاج تختم الجواز من هناك

    🔘 بالنسبة للمنح:

    المنح متاحه للماستر والدكتوراه وأحيانًا للبكالريوس، بشكل واضح دي بتحتاج منك تراسل الجامعة ودكاترة الأقسام أحيانًا وتخش تدور في المواقع على المنح وتشوف ..

    🔘 تذكرة السفر :

    الموقع ده جميل جداً هيجبلك أرخص التذاكر المتاحه ومواعيدها وشركات الطيران
    اضغط هنا
    احمد الهلالي
    @مرسلة بواسطة
    كاتب ومحرر اخبار اعمل في موقع العاصمة نيوز|العاصمه نيوز موقع اخباري متخصص في نقل الاخبار .

    إرسال تعليق