-->

امتحان القبول في bue

/ تاريخ النشر :




يقدم لكم موقعكم المتميز العاصمة وبخاصة لمتابعية من الامارات العديد من الخدمات التي قد يبحث عنها الكثير على الشبكة العنكبوتية لساعات طويلة ويخرج في نهاية المطاف صفر اليدين لذلك نوفر لك متابعنا العزيز هذه الخدمات عبر موقعنا ونسهل عليك في الوصول اليها واليوم نقدم لك امتحان القبول في bue.

الجامعات الخاصة في الكام سنة الاخيرة بدءت تزيد و بدءت يبقي ليها قوة في مصر ,,
من مميزات الجامعات الخاصة :
1. مجموعها اقل من الحكومية بالتالي بتدي فرصة لاي شخص مجموعه مجبش الحكومية انه يدخلها ,, بس في الفترة الاخيرة فالمجاميع مبقتش اقل كتير عن الجامعات الحكومية يعني مثلا طب في الجامعات الخاصة بتأخذ بداية من 95% و انت طالع يعني تقريبا اقل 2 او 3 % عن طب حكومة ,,
صيدلة و طب اسنان و تمريض بياخذوا اقل شوية من 90% يعني تقريب اقل ب 6% من الحكومة ,,
بينما هندسة السنة دي فبتأخذ بداية من 80% و ده اقل شوية حلوين من الحكومة يعني حوالي 12 ل 14%
و حاسبات بتأخذ من 70% و ده اقل بكتييير من الحكومة .
2. الامكانيات العالية للجامعات دي بحيث انك بتدفع فلوس كتير و بتلاقي قدامها تجهيزات من معامل و قاعات مجهزة بشكل كويس و عدد طلاب اقل ,, و حجات تانية ,,
3. بيبقي في نظام افضل من الجامعات الحكومية بينظم التعامل بين الطلاب و الدكاترة و المعيدين
من عيوب الجامعات الخاصة :
1. المصاريف العالية جدا و اللي بتزيد بشكل كبير كل سنة و كمان اهتمام جزء مش قليل من الجامعات دي بانها تلم فلوس اكتر  المبالغة في مصاريف بعض الجامعات الخاصة بيخليك انك لو سافرت تدرس برة مصاريف حياتك بمصاريف جامعتك برة ممكن تكون مساوية او ارخص كمان من بعض الجامعات الخاصة
2. لازم تدور كويس عن الجامعات لأن بعضها ممكن ميبقاش علي المستوي بذات لو الجامعة دي جديدة ,,
التقديم في الجامعات الخاصة و ايه اللي تعمله :
نتكلم دلوقتي عن التقديم في الجامعات الخاصة و ايه اللي تعمله ,, اولا التقديم فاتح من اللحظة اللي بكلمكم فيها دي و ممكن تروح تقدم في اي جامعة عادي ,,
بس غالبا اغلب الجامعات بيبقي في امتحان ( انجليزي و قدرات او انجليزي بس ) لازم تعديه عشان تقدر انك تقدم في الجامعة دي فعلي سبيل المثال في الجامعة الالمانية بيبقي في امتحان قدرات و انجليزي بسيط عبارة عن عدد كبير من ال MCQ ( اسئلة الاختيار المتعدد ) و بتقعد علي كمبيوتر و بتجاوب عليهم و لازم تعدي القدرات و الانجليزي ,, و لك انك تعيده تاني بعد فترة لو سقط فيه ,,
و كذلك الحال مع جامعة مصر الدولية MIU اما الجامعة البريطانية BUE فبيكون الامتحان هو امتحان انجليزي فقط او انك تقدم شهادة IELTIS ,,
و هتلاقي اغلب الجامعات كدا ,, الا ان بعض الكليات و الجامعات بيبقي في حاجة اضافية و هي المقابلة الشخصية او Interview و بردو لازم تعديه ,,
اما الاوراق اللي بتحتجها في التقديم هي :
1. صورة شهادة ميلاد ( كمبيوتر )
2. صورة من البطاقة و بطاقة ولي الامر
3. 6 صور شخصية
4. صورة من شهادة الثانوية العامة لما تطلع ( و لما خلاص هتخش يبقي بتقدم الاصل )
5. للولاد بيروح يشتري استمارة 2 جند لونها ازرق ب جنيه و نص ,,
و اخيرا بيبقي في رسوم تقديم و رسوم للامتحان بتبقي حوالي 300 ل 600 جنيه حسب الجامعات و دول بتدفعهم و حتي لو مدخلتش الجامعة مش بيرجعوا ,,
نظام التقديم و القبول و التنسيق الداخلي :
لما بتقدم ونجحت في الامتحان و خلاص النتيجة طلعت و انت جبت الدرجة المطلوبة للحد الادني للقبول ,, بتنتظر ان الجامعة تعمل حاجة اسمها تنسيق داخلي بمعني تاني بتشوف عدد المتقدمين ليها و بتأخذ اللي جايبين اعلي درجات فلو العدد اللي متقدم كله دخل و لسا مازال الجامعة عندها مقاعد فاضية بتقدر انها تستقبل طلاب كمان ,, بمعني انك ممكن تبقي جايب 91% و قدمت في طب اسنان و هي الحد الادني بتاعها 90% ,, لكن لسا في تنسيق داخلي الكلية بتأخذ عدد مقاعد معين و بتأخذهم من اعلي درجات بالتالي اعلي درجات هيدخلوا الاول و بعدين الاقل ,, لحد ما يتملي لو لا قدر الله كنت جايب اقل من العدد المطلوب فهتترفض من الجامعة ,, او بتتحط علي قايمة الانتظار لأن ممكن من الناس اللي اتقبلت متدخلش فوقتها بيدخلوا الناس اللي علي الانتظار مكانهم ,,
الكلام ده غالبا بيحصل اكتر في كلية طب و طب اسنان لأن بيبقي عليهم ضغط كبير من الطلاب و المتقدمين ,, بالتالي يفضل انك تكون مقدم في كذا جامعة عشان اللي يقبلك فيهم تخش فيه لأن في احتمالات كتير انك متقبلش لكن لو انت جايب درجات عالية فانت اطمن مكانك هيكون موجود ان شاء الله ,,
نتكلم بردو انك عايز تقدم المفروض هتعمل ايه ,, الخيار الاول و الاسهل بالنسبة لك انك تروح مع ولي امرك معاك الجامعة و تدخل مكتب التقديم Admission و بتاخذ استمارة تملاها و بتكلموا الموظفين هناك و بيعرفوكوا كل حاجة و ايه المطلوب و دي بتبقي اسهل كتير و اضمن ,, و بتوفر عليك الاسئلة الكتير لأن الموظفين بيوفروا لك كل المعلومات ,,
الخيار التاني و هو انك تقدم Online عن طريق مواقع الجامعات و كل جامعة بتختلف شوية موضوع التقديم Online فيها او شكله لكن عموما هتلاقي كل الجامعات حاليا علي موقعها بقي يجبلك زر Apply Now عشان تقدم عموما لو مش لاقيه هتدخل علي موقع الجامعة و تقدر توصل لأي جامعة انك تبحث عن اسمها في جوجل ,, و هتدور في الموقع علي كلمة Admission و بعدين تختار Undergraduate لأن هيبقي في اختيار تاني و هو ال Post Graduate و ده لدراسات اللي بعد التخرج من الكلية ملناش دعوة به حاليا  خليك انت في ال Undergraduate و بعد كدا هتلاقي في اي موقع جامعة شروط التقديم و الاوراق المطلوبة اللي قولتها لك فوق و كمان مصاريف الدراسة و خلي بالك ان مش دايما مصاريف الدراسة هي دي بس اللي بتدفعها ابقي دور تاني عشان هتلاقي مصاريف كدا تانية  ,,
الاعتماد – Validation :
في نقطة كمان في الجامعات الخاصة هتلاقي بعض الجامعات زي البريطانية و اكتوبر للعلوم الحديثة و الاداب ( MSA ) بتدفع لهم فلوس اعتماد او Validation و دي ببساطة هي اعتماد من جامعة بريطانية ,,
يعني ايه اعتماد ؟!
- الجامعة بتكون متاعقدة مع جامعة في الخارج ( البريطانية و MSA مع جامعات من بريطانية ) الجامعة دي بتمنح الطالب اللي بيدرس في الجامعة اللي هنا اعتماد او زي شهادة معادلة بريطانية في مقابل فلوس انت بتدفعها كل سنة و كمان اشراف من الجامعة دي علي نظام تدريس الجامعة اللي في مصر و تأكدها من ان الجامعة اللي في مصر فعلا بتطبق نظام تدريس يليق بأن الطالب ده يأخذ اعتماد منها ,,
طيب يعني الاعتماد ده يخليني اشتغل برة بدون معادلة ؟!
الحقيقة الاجابة لا ,, لازم بردو تعمل معادلة برة عشان تشتغل في اوروبا او امريكا لكن الاعتماد بيسهل عليك الموضوع شوية ,,
طيب هل الاعتماد ده بيفضلك عن واحد متخرج بنفس الشهادة بس معاه شهادة مصرية بس ؟
لو اتسويت انت و هو في المهارات و التفوق فايوة الاعتماد ده بيخليك متقدم عليه بخطوة ,, لكن لو انت مش متفوق عليه في المهارات و اقل منه في التفوق فهو هيتفوق عليك في الشغل و الاعتماد مش هيعملك حاجة ,,
من مكاسب الاعتماد هو ضمان مستوي دراسي عالي لأن في جامعة خارجية بتشرف علي الجامعة عندك و بتتأكد من مستوي الدراسة و نظامه فيها .
جامعة MSA جميع الكليات اللي لها اعتماد بينما الجامعة البريطانية للحظة دي فجميل الكليات معتمدة الا كلية الصيدلة و كلية طب الاسنان ,
مصاريف و التواصل مع الجامعات :
دلوقتي تعالوا ناخذ جولة في مصاريف اشهر الجامعات الخاصة :
1. الجامعة الالمانية في مصر GUC :
و موجودة في التجمع القاهرة الجديدة ..
مصاريفها : كليات هندسة و صيدلة و ادارة الاعمال ( Business )
بتكون مصاريفها كالاتي :
بيكون في 3 اقسام و هي قسم A و قسم B و قسم C انت بتدخل احد الاقسام دي حسب درجتك كل ما درجتك بقيت اعلي كل ما هتخش في القسم اللي فلوسه اقل ,, و بتسأل و انت بتقدم ايه هي الدرجات اللي تدخلك اني قسم
قسم A مصاريفه للعام الدراسي 2016\2017 : 35,715 جنيه مصري للفصل الدراسي الواحد يعني في السنة 71430 جنيه
قسم B : 42,090 جنيه مصري في الفصل الدراسي يعني في السنة الدراسية 84,180 جنيه مصري
قسم C : 48,445 جنيه مصري في الفصل الدراسي يعني في السنة 96,890 جنيه
+ 2500 جنيه للمعامل بيتم استرداتهم في نهاية الدراسة
بالنسبة لكلية الفنون التطبيقية فبتكون قسم واحد بمصاريف الفصل الدراسي الواحد 38,385 جنيه مصري يعني في السنة 76770 جنيه مصري
مصاريف التقديم ( مصاريف لا تسترد حتي لو مش هتدخل الجامعة ) : 450 جنيه
موقع التقديم و معرفة معلومات التقديم : http://www.guc.edu.eg/…/admissi…/undergraduate/tuition_fees/
الخط الساخن : 16482
تيلفون : 27589990
2. الجامعة البريطانية في مصر BUE :
و مكانها مدينة الشروق قدام مدينتي .
مصاريفها :
لكلية الصيدلة : 55 الف جنيه + 5 الف جنيه مصاريف ادارية = 60 الف جنيه في السنة
لكلية الهندسة : 55 الف جنيه + 5 الف جنيه مصاريف ادارية + 500 جنيه أسترليني مصاريف الاعتماد البريطاني = 60 الف جنيه في السنة و 500 استرليني حسب سعر الاسترليني بقي
كلية كلية ادارة الاعمال و اقتصاد و علوم سياسية و الاعلام : 45 الف جنيه + 5000 جنيه + 500 جنيه استرليني اعتماد بريطاني
كلية طب اسنان : 58 الف جنيه مصري + 6 الف جنيه مصاريف ادارية = 64 الف جنيه في السنة
كلية التمريض : 12 الف جنيه مصري + 2000 جنيه مصاريف ادارية + 100 جنيه استرليني مصاريف الاعتماد البريطاني
كلية حاسبات و معلومات : 30 الف جنيه + 5000 جنيه + 500 جنيه استرليني مصاريف ادارية
موقع التقديم و معرفة معلومات التقديم :اضغط هــــــــــــــنا
للاتصال : الخط الساخن : 19283
تيلفون : 2689000
بريد الكتروني : info@bue.edu.eg
3. جامعة مصر الدولية MIU :
و مكانها علي طريق مصر اسماعلية الصحراوي جنب مدينة العبور
مصاريفها ( مصاريف العام الدراسي الجديد لسا ماعلنتش لكن دي مصاريف السنة اللي فاتت و لو هتزيد مش هتزيد كتير )
كلية الالسن و كلية حاسبات : 31,500 جنيه مصري
كلية ادارة الاعمال و النقل الدولي و كلية اعلام : 36,550 جنيه مصري
كلية طب اسنان : 49,450 جنيه مصري
كلية هندسة : 37 الف جنيه مصري
كلية الصيدلة : 42 الف جنيه مصري
مصاريف التقديم ( مصاريف لا تسترد حتي لو مش هتدخل الجامعة ) : 500 جنيه مصري
موقع التقديم و معرفة معلومات التقديم : http://www.miuegypt.edu.eg/admission-requirements/
للاتصال : الخط الساخن : 19648
البريد الالكتروني : miu@miuegypt.edu.eg
4. جامعة مصر للعلوم و التيكنولوجيا MUST :
و مكانها في مدينة 6 اكتوبر .
مصاريفها :
كلية طب : 55 الف جنيه
كلية صيدلة : 42 الف جنيه
كلية طب اسنان : 41 الف جنيه
كلية علاج طبيعي : 28 الف جنيه
كلية هندسة : 30 الف جنيه
كلية تكنولوجيا المعلومات : 16 الف جنيه
كلية التكنولوجيا الحيوية : 20 الف جنيه
كلية العلوم الطبية التطبيقية : 11 الف جنيه
كلية ادارة الاعمال و الاقتصاد و كلية اعلام : 20 الف جنيه
كلية اثار وكلية تربية : 11 الف جنيه
كلية لغات و ترجمة : 14 الف جنيه
موقع الجامعة : اضغط هـــــــــــــنا
للخط الساخن : 16111
ارقام تيلفون : 38247455 – 38247456 – 38247457
البريد الاكتروني : Admission@must.edu.eg
5. جامعة اكتوبر للعلوم الحديثة و الاداب MSA :
مكانها في مدينة 6 اكتوبر .
مصاريفها :
كلية الفنون : 21,600 جنيه في الفصل الدراسي = 43,200 جنيه في السنة
كلية الصيدلة : 25,300 جنيه في الفصل الدراسي = 50,600 جنيه في السنة
كلية طب الاسنان : 30,600 جنيه في الفصل الدراسي = 61,200 جنيه في السنة
كلية البيو تيكنولوجي ( تيكنلوجيا حيوية ) : 22,200 جنيه في الفصل الدراسي = 44,400 جنيه في السنة
كلية الهندسة : 22,400 جنيه في الفصل الدراسي = 44,800 جنيه في السنة
كلية الحاسبات : 16,500 جنيه في الفصل الدراسي = 33 الف جنيه في السنة
كلية ادارة الاعمال : 19,900 جنيه في الفصل الدراسي = 39800 جنيه في السنة
كلية الاعلام : 20,200 جنيه في الفصل الدراسي = 40,400 جنيه في السنة
كلية السن : 13,400 جنيه في الفصل الدراسي = 26,800 جنيه في السنة ا
+ كلية طب الاسنان في سنة رابعة و خامسة بيدفعوا 500 جنيه في الفصل الدراسي زيادة عشان العيادات
+ في مصاريف اعتماد بريطاني بتختلف كل كلية و كل سنة لكن بتتروح في كل الكليات من 290 جنيه استرليني ل 330 جنيه استرليني بتدفع كل سنة
موقع الجامعة للتقديم و معلومات التقديم :اضط هـــــــــــنا 
للاتصال بالجامعة :
Tel. : 3837-1517
Tel. : 3837-1518
او علي الرقم الساخن : 16672
6. جامعة المستقبل FUE :
و مكانها في التجمع بالقاهرة الجديدة
و مصاريفها :
كلية الصيدلة : 47 الف جنيه مصري
كلية طب الاسنان : 60 الف جنيه مصري
كلية الهندسة : 43 الف جنيه مصري
كلية الاقتصاد و العلوم السياسية و كلية ادارة الاعمال و كلية حاسبات و معلومات : 30 الف جنيه مصري
+ 1200 دولار لكل الكليات ( و مش عارف دي سنوية ولا لمرة واحدة فقط )
مصاريف التقديم في الجامعة ( و دي لا تسترد حتي لو مش هتدخل ) : 500 جنيه مصري
موقع الجامعة للتقديم و معلومات : اضغط هــــــــــــنا
للاتصال بالجامعة :
+202 26186100
+202 26186110
او علي الخط الساخن : 16383
7. جامعة 6 اكتوبر o6u :
و مكانها في مدينة 6 اكتوبر .
و مصاريفها :
كلية طب : 65 الف جنيه
كلية طب اسنان : 49,500 جنيه
كلية صيدلة : 42 الف جنيه
كلية علاج طبيعي : 36 الف جنيه
كلية علوم طبية تطبيقية : 22 الف جنيه
كلية الهندسة : 33 الف جنيه
كلية حاسبات و معلومات : 16 الف جنيه
كلية فنون تطبيقية : 20 الف جنيه
كلية اعلام : 18 الف جنيه
كلية الاقتصاد و ادارة الاعمال : 26 الف جنيه
كلية اللغات و الترجمة : 15 الف جنيه
كلية التربية : 13 الف جنيه
كلية سياحة و فنادق : 10 الف جنيه
كلية تمريض : 13 الف جنيه
موقع الجامعة للمعلومات : اضغط هــــــــــــنا#
ارقام التواصل :
(+202) 383 55 275
(+202) 383 55 276
للتواصل علي البريد : adminoct@o6u.edu.eg