تكلفة تأسيس شقة كاملة في 2022 -->

 

تكلفة تأسيس شقة كاملة في 2022



تكلفة تأسيس شقتك  تحذير 

بتجينى اسئلة كتير ع رسايل الصفحة والكومنتات م نوع 

 تكلفة التأسيس كام ؟

شقتى ١١٠متر ٣ غرف وحمامين تتأسس كهرباء بكام ؟

 انا خلصت السيراميك اجيب سلك ايه ومصنعية تشطيب بكام ؟

 عندى شقة ٣ غرف مصنعية كام وبضاعة بكام ؟

مافيش حد فاهم شغله صح هيجاوب ع الأسئلة ده واشكالها ابدا بسعر محدد وصريح وال هيحصل مع حضرتك كالأتى 

⭕ حد عايز يكسب الشغل وهيديك سعر قليل جدا وقت مايجي يشتغل هيقولك لا ده ماتفقناش عليه لا ده ماقولتش عليه لا حضرتك ما وضحتش والتكلفة هتبقى كذا 

⭕ حد هيديك سعر قليل ويجى يتصدم بحجم الشغل ومش هيقولك انه اكتر م ال اتوقعه هيحاول يختصر الشغل ويقلب الشغل عشان مايخسرش وحضرتك مش هتعرف الصح م الغلط وهتتصدم بمشاكل كتير ف التشطيب و بعد ما تفرش او تعمل صيانة وهتلاقى قفلات كتير حلها تكسير وتعديل ( وبالمناسبة حتى الصنايعى ال هيعاين ممكن يعمل كده لو ضغطت عليه ينزل ف السعر اكتر م اللازم )

⭕ حد هيديك سعر قليل ويشتغل ويخلصلك الشغل وحضرتك هتبقى فرحان بكمية الشغل بسعر قليل جدا وهتقوله تعالى شطب مش هيرضى لانه عارف بحجم المصايب ال عملها 

✔️ الصح ان حضرتك تطلب صنايعى يجى يعاين الشقة ويعرف كل تفصيلة صغيرة وكبيرة ف الشغل ويحدد الماتريال المطلوبة وتكلفة المصنعية وتبقى حضرتك معاه وتتابعه عشان لو نسى حاجة او فهم حاجة غلط 

وف النهاية كل شغل له سعره والبضاعة التركى ابدا ابدا ما هتبقى زى الصينى




معرفش إزاي البنات بيهون عليهم يدفعوا أزواجهم بالـ 7000ج للميك اب أرتست يوم الفرح إزاي ؟!

- معلش يعني الـ 7000ج متقدريش تجيبي بـ ألفين منهم ماتريال كويسه وتحطي لنفسك من غير جو التشطيب والنقاشه ده، ده غير إن الموضوع مبقاش صعب فيديوهات تعليم الميك اب خطوة بخطوة مالية اليوتيوب والفيس زائد إن الماتريل اللي هتجيبيها مش هتكفيكي ليوم الفرح بس دا تكفيكي سنين قدام !

- واكتشفت من كام يوم ميك أب ارتيست حجزها فقط 10.000ج وواحده حجزها بـ 12.000ج ولفة الطرحه 2000ج!

- أنا بقيت أسمع أرقام مهولة في تأجير الفساتين 9000 ،15.000 ليه دا كله؟!

ده إيجار ساعتين وهتوديه تاني؟!

ده غير لسه السيشن وفلوس الفوتوجرافر.

- هو في إيه أنتم اللي مأڤورين ولا أنا اللي مش فاهمة والمفروض أشوف إنه عادي يندفع 13 ألف ميك اب وفستان و 15 ألف وساعات 30الف! و 50الف.

ولا أنا شكلي بخيلة ومبحبش الفرح، ولا بشجع العريس هو اللي يطلب كده لأن ساعات بيكون بخيل فعلاً ،

ومحدش يبخل ع نفسه طبعا ، والموضوع مش بخل علي النفس علشان الواحد نزيه مع نفسه الحمد لله. 

- يعني اصرفوا الفلوس دي بس على استفاده حقيقيه، اعملوا اطعام بنية بركة الزواج، احجزوا لعمرة، اعملوا وليمة، سافروا بيهم.

تكلفة الفرح بالهيصه تسافروا بلد اجنبي سياحه، وهو تبقوا عملتوا حاجه تقريبا مكنتوش عمركم هتعملوها وهتتبسطوا جدًا.

جماعه بجد مش متخيله احجز ميك اب وليلة تدخل في 50 ألف وساعات اكتر ومش ببالغ.. واجي في نهاية اليوم أغسل وشي والاقي ده بيقع في الحوض !