كيف استخرج جواز سفر للرضيع في مصر
كيف استخرج جواز سفر للرضيع في مصر
1- إجراءات إستخراج جواز سفر
(أول مرة - تجديد - تعديل بيانات - بدل تالف - بدل فاقد)
------------------------------------------------------
المستندت المطلوبة
- 3 صور شخصية 4x6 خلفية بيضا حديثة
- البطاقة الشخصية و صورة منها (شهادة الميلاد للى سنهم تحت 16 سنة)
- شهادة قيد حديثة للطلبة أو شهادة التخرج للخريجين
- الموقف من التجنيد للشباب (شهادة قيد من الكلية للطلبة مذكور فيها الموقف من التجنيد + استمارة 6 جند)
- قسيمة الجواز للسيدات المتزوجات (مستند إثبات الحالة الإجتماعية) لو عايزة تثبت إسم الزوج (إختيارى)
رسوم استخراج الجواز
- باسبور جديد / تجديد / تحديث بيانات 365 جنيه
- بدل التالف/ الفاقد 500 جنيه
- الضمان المالى (لغير المتعلمين) 400 جنيه
شامل الضرايب والدمغات (الأسعار الجديدة 2018)
*** كل المستندات المقدمة لازم أصول للإطلاع و بياخدوا الصور و يرجع لك الأصل
**أى حاجة مثبتة فى الباسبور القديم أو البطاقة مش محتاجة تقديم ورق بيها
يعنى لو مثبت حاصل على بكالوريوس أو وظيفة أو إسم الزوج مش محتاج تقدم إثبات بيهم بيتم نقل نفس البيانات فى الباسبور القديم
(الأطفال : 3 صور - شهادة ميلاد بالكمبيوتر - بطاقة الأب)
بتملا نموذج 29 جوزات و تدفع الرسوم هناك و الإستلام خلال 3 أيام
- مافيش إضافات على جواز السفر
- الأطفال من سن يوم لهم جوزات سفر مستقلة عن الوالدين
- مافيش أى بيانات بيتم إضافتها يدوى للجواز أى بيانات جديدة (تغيير عنوان - تغيير موقف من التجنيد - إضافة إسم الزوج - إضافة وظيفة - تعديل فى الإسم) يعتبر تغيير الباسبور كله برسوم جديدة و باسبور جديد برقم جديد و تاريخ إصدار جديد
- جواز السفر بيصدر من مكتب الجوزات التابع له مقر السكن المثبت فى البطاقة
- لو عايز تثبت وظيفة فى الباسبور لازم تثبتها فى البطاقة الأول
- إجراءات إثبات الوظيفة فى البطاقة :
*** لو موظف فى شركة بتختم إستمارة البطاقة من مكان العمل و بتجيب برنت من التأمينات
*** لو وظيفة حرة زى محامى أو طبيب أو مهندس يعنى مهنة نقابية بتختم الإستمارة من النقابة و بتاخد كارنية النقابة
*** لو كنت من أصحاب الأعمال يبقى تاخد السجل التجارى و البطاقة الضريبية
- تغيير العنوان لازم تغييره فى البطاقة أولا بتقديم ما يدل على تغيير محل السكن كعقد تمليك أو إيجار موثق أو إيصالات خدمات حديثة (كهرباء - مياة - غاز - تليفون) موضح بها الإسم
- البطاقة العادية بتحتاج 14 يوم المستعجلة 3-4 أيام عمل
- لتجديد الباسبور و اثبات الموقف من التجنيد يتم تقديم شهادة الاعفاء النهائى للمعفيين من التجنيد أو شهادة إنهاء فترة الإحتياط لمن أدى الخدمة العسكرية
- التجديد و بدل تالف و تحديث البيانات بتقدم الباسبور القديم و بياخد ختم لاغى و بتستلمه تانى
- فى حالة عمل بدل فاقد بيتم أولا عمل محضر فقد فى نفس القسم المستخرج منه جواز السفر حتى يتم الغاء الباسبور القديم ثم يتم التقديم على باسبور جديد
----------------
* الباسبور الجديد سواء (تجديد - بدل تالف - بدل فاقد - تغيير بيانات) بيصدر برقم جديد
* الباسبور القديم بيتلغى بختم لاغى أو تخريمه و إعادته لصاحبه
* الجواز بيطلع فى 3 أيام (مفيش مستعجل) فى حالة الباسبور الجديد - بدل التالف - تحديث بيانات أما فى حالة بدل الفاقد يستغرق فترة أطول
- ممكن تغيير الباسبور قبل الإنتهاء لأى سبب مثل تغيير البيانات أو تلف الباسبور أو إنتهاء صفحاته بنفس إجراءات إستخراج باسبور جديد
***** الجوازات شغالة السبت
ممن يتم قبول الطلبات :
• تقبل الطلبات من صاحب الشأن شخصيا .
• الأزواج والزوجات ينوب كل منهم عن الأخر .
• الآباء والأمهات بالنيابة عن أولادهم القصر .
• الأبناء البالغين بالنيابة عن أبائهم وأمهاتهم .
• الإخوة البالغين نيابة عن أشقائهم القصر .
• الجد ( والد الأب ) والعم في حالة سفر الأب .
• الوكلاء الرسميون بموجب توكيل عام رسمي أو قضائي أو توكيل خاص .
* يجب تواجد الشخص داخل البلد لتجديد جواز السفر و لا يجوز إصداره فى حاله تواجده خارج البلاد إلا من خلال سفارة جمهورية مصر العربية فى البلد المتواجد بها
