استخراج بدل فاقد لشهادة الجيش

تجربه متعبه بس حبيت انقل الملخص و الخطوات الصحيحه بالطريقه الجديده بتاعة السجلات

اولا: اي حد لسه معداش 46 سنه لازم لازم يجيب نموذج 53 تعبئه من شئون ضباط و ده بيخلص بصورة البطاقه مكتوب عليها الدفعه و السلاح و بتدفع 5 جنيه و بيخلص في خلال ربع ساعه.

ثانيا : بتاخد النموذج و بتكون صلاحيته 15 يوم من تاريخ اصداره وبتروح السجلات العسكريه حي الزهور مدينة نصر امام شركة انبي.

كل الاسلحه هناك عدا عدا عدا الدفاع الجوي خدوا بالكوا اوي من دي ماخلوش حد يرجعكوا 

بالنسبه للدفاع الجوي قبل 2000 بيبقي في السجلات المركزيه من اول سنة 2000 بيروح سجلات الدفاع الجوي اللي في شارع خضر التوني مدينة نصر بيقدم نموذج 53 و صورة البطاقه وياريت صورة الشهاده القديمه و بيدخل شباك الاستقبال و بياخد طلب ب جنيه و يسلمه مع الورق بعد كده بتدفع 8 جنيه و تنتظر اقل من 10 دقائق و بتلاقيهم بينادوا عليك 

بس بصراحه السجلات المركزيه اخر بهدله اما سجلات الدفاع اكثر من محترمين.