الدراسة في المانيا

الدراسة في المانيا





    يقدم لكم موقعكم المتميز العاصمة وبخاصة لمتابعية العديد من الخدمات التي قد يبحث عنها الكثير على الشبكة العنكبوتية لساعات طويلة ويخرج في نهاية المطاف صفر اليدين لذلك نوفر لك متابعنا العزيز هذه الخدمات عبر موقعنا ونسهل عليك في الوصول اليها واليوم نقدم لك  الدراسة في "ألمانيا.





    الدراسة في "ألمانيا" 🇩🇪
    تتميز ألمانيا بتوفير الدراسة بشكل مجاني للطلاب في الجامعات، وشهاداتها معترف بها عالميًا، إمكانية الحصول الجنسية الألمانية، إمكانية الحصول على فرصة عمل عالمية

    ⚫️ متطلبات التقديم على الدراسة في ألمانيا: 

    - نموذج طلب التأشيره
    - نموذج الإقرار القانوني
    - حساب بنكي مغلق في ألمانيا يكون فيه مبلغ 8640 يورو بتسحب منه 700 يورو شهريًا
    - قبول في معهد لدراسة اللغة الألماني في حال اذا مكنش معاك اللغة
    - قبول في معهد لدراسة السنة التحضيري
    - قبول جامعي مشروط للجامعة الي هتكمل دراستك فيها 
    - معدل يكون كويس نسبيًا عشان تتقبل في التحضيري (نسبة تالته ثانوي فقط هي المطلوبه)
    - شهادة المدرسة مترجمة وموثقه
    - السيرة الذاتية
    - خطاب تحفيزي
    - صورة من جواز السفر باستثناء الصفحات الخالية
    - تأمين سكن في ألمانيا

     ايه أسعار المعيشه والسكن والمواصلات هناك ؟

    - السكن: لو سكن طلاب هيكون من 200 لـ 250 يورو في الشهر،اما لو سكن مستقل من 300 - 400 يورو في الشهر
    - المعيشه: بالنسبه للأكل لو هتعتمد على الاكل الجاهز تقريبا هتتكلف 250 يورو شهريًا
    اما لو عندك القدره انك تطبخ بنفسك وأوقات جاهز هتتكلف تقريبًا من 120 لـ 150 يورو شهريًا
    - المواصلات هناك لو تبع الجامعة بتبقى مجانية، لكن لو معهد اللغة أو التحضيري بيكون فيه تخفيض من المعهد
    - المصروف الشهري بيتراوح بين 450-700 في الشهر

    ⚫️ بالنسبة للُّغة: 

    الدراسة في ألمانيا بتكون باللغة الألماني وبتشترط ليفل معين في اللغة وهو "b2" لو انت معاك شهادة بالليفل ده هتوفر سنة دراسة اللغة هناك لكن لو مش معاك هتدرس سنة لغة هناك في البداية ولازم يكون معاك قبول انك هتدرس لغة هناك

    ⚫️ بالنسبة للسنة التحضيري: 

    بعد دراسة اللغة بتدرس سنة تحضيري بالألماني (تحضيري تخصصات الطب غير تحضيري تخصصات الهندسة)
    🔹 تحضيري تخصصات الطب بتدرس فيه (أحياء ولغة ألمانيه وكيمياء وممكن رياضيات أو فيزياء واحدة منهم) ودي بتشمل كليات (طب بشري، طب أسنان، صيدلة) وعلى حسب مجموعك في التحضيري وتالته ثانوي بتدخل الكلية
    ▪️ عدد سنين دراسة الطب خمسة + سنة امتياز
    🔹 تحضيري تخصصات هندسة بتدرس فيه (فيزياء وكيمياء ورياضيات ولغة ألماني)
    ▪️عدد سنين دراسة هندسة ٣ سنين
    🔺 تكلفة دراسة اللغة والتحضيري بتكون من 8000 لـ 9000 يورو

    ⚫️ بالنسبة للتحويل: 

    لو انت حاليًا بتدرس طب في مصر وخلصت أول سنة ومعاك لغة ألمانية تقدر تقدم على انك تكمل دراسة في ألمانيا وبتكمل هناك عادي
    🔺 وده لينك لأفضل الجامعات في ألمانيا اضغط هنا

    ⚫️ بالنسبة للشغل: 

    هو ممكن يكون صعب انك تشتغل أول سنة لإنك هتحتاج لمستوى كويس في الألماني لكن هو متاح وتقدر تشتغل بدون مشاكل

    ⚫️ السفارة:

    بعد ما تجهز الورق المطلوب منك والمتطلبات المذكورة بتدخل تحجز موعد من على موقع السفارة عشان بيعملوا مقابلة معاك
    يُفضل أول لما تقرب تخلص ورقك تدور على موعد في السفارة لأن في الأغلب المواعيد بتكون بعد شهر أو أكتر صعب تلاقي موعد قريب
    🔺 وده لينك السفارة الألمانية في القاهرة اضغط هنا
    احمد الهلالي
    @مرسلة بواسطة
    كاتب ومحرر اخبار اعمل في موقع العاصمة نيوز|العاصمه نيوز موقع اخباري متخصص في نقل الاخبار .

    إرسال تعليق