رحلة العمل بالكويت
يقدم لكم موقعكم المتميز العاصمة وبخاصة لمتابعية من الاردن العديد من الخدمات التي قد يبحث عنها الكثير على الشبكة العنكبوتية لساعات طويلة ويخرج في نهاية المطاف صفر اليدين لذلك نوفر لك متابعنا العزيز هذه الخدمات عبر موقعنا ونسهل عليك في الوصول اليها واليوم نقدم لك رحلة العمل بالكويت.
مع الورق لسفر الكويت ........
خلينا نبدأ....
أول ما يوصل الورق أتاكد ان العقد متصدق عليه من الملحق الثقافي الكويتي في مصر ولو مش متصدق عليه لازم تروح تصدق عليه من سفاره الكويت - الملحق الثقافى
العنوان : 6 شارع نبيل الوقاد – الدقي – الجيزة .... تركب المتروتنزل محطة الدقي و تسأل فين شارع الكويت بعد كشري التحرير هتلاقيه
التكاليف : 400 جنيه للمعاملة الواحدة ( يعني كل ورقة هتتصدق عليها بــ 400 يعني مثلاً العقد و معاه شهادة الجامعة يبقا 800 جنيه )
مدة الأستلام : بعد 3 أيام
لو متصدق عليه يبقا خير و بركة ساعتها هتروح للقسم اللي انت تبعه و تعمل فيش و تشبيه و يكون موجه لسفارة الكويت و تقول للشخص اللي بيعملك الفيش ده هسافر بيه
العنوان : القسم اللي أنت أو أنتِ تابع ليه
التكاليف : 15 جنيه
مدة الأستلام : بعد يوم واحد الساعة 12 الضهر
بعد استلام الفيش لازم تروح تصدق عليه هو و العقد بتاعك من مكاتب تصديق وزارة الخارجية
العنوان :96 شارع أحمد عرابي المهندسين أو خلف سور الميرلاند أو موقف الترجمان البري
التكاليف : 11 جنيه للمعاملة الواحدة ( يعني كل ورقة هتتصدق عليها بــ 11 يعني مثلاً العقد و معاه الفيش يبقا 22 جنيه )
مدة الأستلام : نفس الوقت
بعد كدة تأخد الورق دة كله و تتطلع علي الحجر الصحي الكويتي علشان تبدأ تعمل التحاليل اللازمة للسفر يكون معاك الباسبور و البطاقة سارية و سمة الدخول
العنوان : " شركة خدمات " 17 شارع بولس حنا – الدقي تركب المتروتنزل محطة الدقي و تسأل فين بنزينة مصر هتلاقيها علي أول الشارع أفضل ماشي علطول لحد ما تلاقي عيادات الكشف لمجلس التعاون الخليجي الحجر قدامها بالظبط
التكاليف : 2110 جنيه
مدة الأستلام : في نفس الوقت
مكان لطيف و محترم هيدوك رقم و اقرار تملاه " متنساش قلمك معاك دايماً 😀 " لما تسمع الرقم هياخدو منك الباسبور و البطاقة و سمة الدخول و الأقرار و تدفع في الخزنة 2110 و بعد كدة هيدوك 3 أيصالات الأول موجه لمستشفي الحياة الثاني موجه للمعامل المركزية و التالت هتستلمه بيه آن شاء الله بعد 25 يوم زي مابيقولو " بس أنت كلمهم بعد 15 يوم بس استعلم عن ورقك و ان شاء الله هتلاقيه وصل زي ما انا عملت 😀 "
بعد كدة تروح علي مستشفي الحياة بالأيصال و يكون معاك 3 صور شخصية هيحللولك " بول " و" دم " و بعد كدة هتكشف " نظر " و اشاعة علي " الصدر "
العنوان : هتخرج من الشارع تمشي عكس العربيات لحد ما تلاقي بنك الكويت الوطني تمشي في الشارع بتاعه هيقابلك الملحق الثقافي و بعدين هتلاقي المستشفي بعديه حوالي 7 دقايق مشي من الحجر الصحي " متنساش الصور الشخصية "
التكاليف : دفعت قبل كدة في الحجر " كفايه فلوس بقا "
مدة الأستلام : هتستلم من الحجر مش من عندهم
بعد كدة تتطلع علي المعامل المركزية علشان تحلل " دم " بس
العنوان : 8 شارع الشيخ ريحان – تركب المترو و تنزل محطة التحرير تخرج من مخرج الجامعة الأمريكية و مشي علطول أول شارع شمال يقابلك هو دة الشيخ ريحان ( هتلاقي في تاكسي و الفرد بــ 40 جنيه المعامل و المستشفي أنا شايف انزل انت بنفسك عايز تركب تاكسي Have fun 😀 )
التكاليف : 500 جنيه
مدة الأستلام : هتستلم من الحجر مش من عندهم
أن شاء الله بعد 25 يوم علي الأكثر هتستلم من الحجر الصحي الكويتي و بعدين تروح تتدفع في البنك الوطني الكويتي فلوس التأشيرة
العنوان : هتخرج من الحجر عكس العربيات هتلاقي البنك قدامك علطول جهز معاك صورة الباسبور و البطاقة " يستحسن تصور الباسبور و البطاقة أكتر من صورة و خليهم معاك "
التكاليف : 1650 جنيه
مدة الأستلام : و انت و اقف هتخدمه .... انت وحظك اذ كان البنك زحمه و لا فاضي 😀
بعد كدة هتأخد كل الورق و تتطلع بيه علي أدارة الخبرة في مجمع التحرير الدور الثالث هتسلم ( العقد – الفيش و التشبيه – الباسبور – سمة الدخول – نتايج التحاليل – الورقة اللي هتستلمها من البنك بتقول انك دفعت فلوس التأشيرة الــ 1600 جنيه علشان فيه 50 مصاريف أدراية )
العنوان : مجمع التحرير الدور الثالث أدارة الخبرة ... أركب المترو و أنزل محطة السادات و أخرج من مخرج المجمع
التكاليف : 10 جنيه
مدة الأستلام : بعد 15 يوم ( بتاخد وصل مكتوب عليه التاريخ اللي هتستلم بيه )
بعد كدة بتعمل تصريح العمل ( في ناس كتير شايفه ان التصريح ملوش لازمة بس عن خبرة ممكن سفريتك توقف كلها في المطار علشان التصريح ملوش لزوم أعمله قبل ما تمشي و خلاص حضر ورقك قبل ما تروح العقد الأصلي و صورة منه وش و ضهر – سمة الدخول و صورة منها وش وضهر صورتين للباسبور و البطاقة و 3 صور شخصية خلفية بيضا و هتستلم من هناك ورقة هتملاها
العنوان : أقرب مكتب لتصاريح عمل للخارج ( خلي بالك دة غير مكتب العمل ) انا عملت التصريح في المكتب اللي عند ساحل روض الفرج علي الكورنيش وفيي المكتب الرئيسي في الدراسة كمان و في مكاتب في المحافظات
التكاليف : 260 جنيه لو انت مؤهل عالي و 160 لو مؤهل متوسط
مدة الأستلام : بعد يومين
أخر حاجة هتعملها هي أذن السفر لو لسه في سن التجنيد أو لسه علي قوة الأحتياط حضر صورة من الباسبور و البطاقة معاك و متنساش شهادة الجيش و صورة منها و انت رايح و خلي بالك (مفيش أقلام هناك ... قلمك في جيبك 😀 )
العنوان : أدارة التجنيد و التعبئة بعد الحلمية لو جاي من المطرية و بعد المحكمة لو جاي من مصر الجديدة أو مدينة نصر
التكاليف : 27.5 جنية و النص قبل الــ 27
مدة الأستلام : بعد ربع ساعة انتظار بالكتير ( واتاكد انك أثبت الكويت في التصريح و انك رايح عمل )
بعد كدة أحجز طيارتك و ربنا يوفقك ....
متنسوش صور البطاقة و الباسبور أكتر من صورة و خليها معاك ..... خلي معاك صور شخصية خلفية بيضا هتحتاجها
وفي نهاية المقال يمكنك الاستفستار والسؤال من خلال ترك تعليق اسفل المقال وسيتم الاجابه عليه.
