ما هو عمل الضباط المتخصصين

2- لا يدخلها الا خريجى الجامعات الحكومية, لا يدخلها خريجى التعليم الخاص والمعاهد

3- بتتخرج منها برتبة ملازم اولوبتكون ضابط طول عمرك

4- كونك ضابط احتياط لا يعطيك اى ميزه للاسف فى التقديم للمتخصصين

5- التقديم عادة بيكون مرتين فى السنه ( مارس & نوفمبر )

6- فيه تخصصات معينة بيتم طلبها وليس كل التخصصات الجامعية

7- عادة التقدير بيكون " جيد او اعلى " الا بعض الاستثناءات مثل " الهندسة "

شيويه كدا نتكلم عن الضباط المتخصصين :

الأول الضباط المتخصصين دى عباره عن تخصصات بتبقى مطلوبه سواء فى الكليه الحربيه أو كليه الشرطه
حسب احتياج كل منهم فى كـل سنه بيطلبوا التخصصات الى عاوزنها
ساعتها لما تخصصك بيكون مطلوب وعليك الشروط المطلوبه بتقدر تقدم عادى وتدخل اختباراتك

الضباط المتخصصين فى الحربيه :

وبتكون عباره عن دفعتين فى السنه

بتكون الاعلان عن الدفعه الأول فى شهر 10 أو شهر 11 و بتدخل الكليه ع شهر 1 , وتخرجها من الكليه بيكون على شهر 7 مع تخرج دفعه الكليه الحربيه الأساسيه

ودفعه تانيه استثنائيه بيبدأ الاعلان عنها فى شهر 1 أو شهر 2 وبتدخل الكليه ع شهر 4 وتخرجها بيكون فى شهر اكتوبر

وفيها بتعلن القوات المسلحه عن احتياجاتها من التخصصات للطلبه الجامعيين
بتكون فى الغالب تخصصات للذكور
وبتشمل كليات كتير من أول طب وهندسه لممكن حقوق وآداب وغيرهم

وملحوظه : بتكون فيه دفعه تانيه استثنائيه للضباط المتخصصين فى الحربيه , بيعلن عنها فى شهر 1 أو 2 , لو القوات المسحله احتاجت تخصصات تانيه أو احتاجت عدد اكتر فى تخصصات معينه بتعلن عن احتياجتها وفتح باب التقديم ليها

وبالنسبه لتخصصات البنات الى بتبقى مطلوبه فى الغالب

بتكون قليله للأسف زى
التمريض - علاج طبيعى - صيدله - تربيه رياضيه

ومده الدراسه فى الكليه بتكون حوالى 6 أو 7 شهور وبعد كدا بتتخرج منها ملازم وبتشتغل حسب تخصصك تبع القوات المسلحه وبتدرج فى الرتب عادى وليك مميزات كتير زى الضبات العاديين للثانويه
لكن انت مش زيه ولا هوا زيك لكل منكم تخصصه :)

ـــــــــــــــــــــــــــــــــــــــــــــــــــــــــــــ

ثانياً الضباط المتخصصين لكليه الشرطه

ونفس الكلام بتكون عباره عن تخصصات مطلوبه محتاجاها وزاره الداخليه
,بتكون دفعتها الأساسيه مع دفعه طلاب الثانويه وبيكون تقديمهم بردو مع دفعه الثانويه العامه
والى السنه دى تم الاعلان عن التخصصات المطلوبه لكليه الشرطه والشروط للتقديم فيها ونزلتها ع الصفحه قبل كدا تقدر 

ـــــــــــــــــــــــــــــــــــــــــــــ
أنـا عارف ياشباب انى مأثر ف حقكم شيويه ع الصفحه
لكـن لأن الفتره دى تقديمات شباب الثانويه هى الأكتر
ولأن تقديمات الحربيه للضباط المتخصصين هتبقى لسه ف شهر 10 ان شاء الله وباذن الله وقتها هانعلن ونكون معاكوا بردوه واحده واحده
والصوره دى للواء اركان حرب : احمد حلمى مدير كلية الضباط الاحتياط


وربنــا يوفقكوا يارجاله :)