حساب كمية الخشب للسقف

يقدم لكم موقعكم المتميز العاصمة وبخاصة لمتابعية من مصر العديد من الخدمات التي قد يبحث عنها الكثير على الشبكة العنكبوتية لساعات طويلة ويخرج في نهاية المطاف صفر اليدين لذلك نوفر لك متابعنا العزيز هذه الخدمات عبر موقعنا ونسهل عليك في الوصول اليها واليوم نقدم لك حساب كمية الخشب للسقف.

طريقة حساب كمية الأخشاب المطلوية للشدة الخشبية للأسقف 

~ هنبدأ بالسقف الـ SOLID SLAB

شدة السقف بتكون ألواح لتزانة و عروق 
=اللتزانة عرضها بيكون 10 أو 12.5 سم و سمك 2.5 سم 
أطوالها اللى بتختلف و أشهرها 2.7 - 3.00 - 3.30 - 3.60 متر .
و بنستخدمها فى التطبيق و الكمرات و العراقات و البرندات .
كمية اللتزانة اللى بنحتاجها بتكون تقريبا ضعف مسطح السقف ..
يعنى سقف 400 م2 يحتاج خشب لتزانة 800 متر2
بس الخشب بالمتر المكعب !!
نحول الـ 800 لمكعب نضربها فى السمك 0.025 = 20 متر خشب .
#الخلاصة =D
اللتزانة المطلوبة بالمتر مكعب = مساحة السقف * 0.05
~ نيجى بقى للأسقف الفلات FLAT SLAB و كمان تمشى مع ال HOLLOW BLOCK الهوردى ..
اللتزانة بتكون أقل من اللى فات عشان مفيش كمر .
كمية اللتزانة = مساحة السقف *1.5 و نحولها للمتر المكعب بعد كدا 
السقف 400 م2 *1.5 = 600 م2
600 *0.025 = 15 متر مكعب لتزانة
#الخلاصة =D
اللتزانة المطلوبة بالمتر مكعب = مساحة السقف * 0.037
= نيجى بقى للعروق و القوائم الخشب قطاعها مربع 7.5 سم أو 10 سم و ارتفاعها بيكون 2.7 متر عشان تكون مناسبة للأسقف فى المنشأت السكنية .. دى احتايجها بيكون حسب السقف نفسه و بحوره .
بس ممكن نحسب عدد تقريبى ..
عدد العروق = مساحة السقف * 1.7
السقف بتاعنا 400 متر * 1.7 = 680 عرق تقريبا 
تكعيبة العرق الواحد = 2.7 * 0.1 * 0.1 و بعد كدا نضربها فى عدد عروق السقف 

السقف السابق هيحتاج 18.3 متر3