ازاى تخلص من الزياده فى الوزن بعد الحمل

ازاى تخلص من الزياده فى الوزن بعد الحمل





    يقدم لكم موقعكم المتميز العاصمة وبخاصة لمتابعية العديد من الخدمات التي قد يبحث عنها الكثير على الشبكة العنكبوتية لساعات طويلة ويخرج في نهاية المطاف صفر اليدين لذلك نوفر لك متابعنا العزيز هذه الخدمات عبر موقعنا ونسهل عليك في الوصول اليها واليوم نقدم لك  ازاى تخلص من الزياده فى الوزن بعد الحمل .



    الحامل،
    محدش فعلا فكر ان يتكلم عن الحامل و ازاى تخلص من الزياده فى الوزن بعد الحمل،و خاصه انها كانت بتلعب رياضه او ملتزمه بنظام غذائى او حتى انسانه عاديه،
    و طبعا الحامل فى مصر بصفه خاصه و الوطن العربى بصفه عامه ماشيه بالاسطوره الى بتقول ( انت لازم تاكلى كتير، انت بتاكلى لاتنين يا عنيا ).
    كده انت لبستى فى الحيطه مستريح،
    المفروض تاكلى زياده ب ٣٠٠ الى ٤٠٠ سعر حرارى لو حامل فى طفل واحد و لو تؤام من ٤٠٠ الى ٦٠٠ سعر حرارى،يعنى مثلا لو انت سعراتك ٢٠٠٠ زودى ما يتناسب مع حملك فى طفل او اتنين.
    السؤال هنا تاكلى ايه و ازاى:
    ١-من الشهر الاول للتالت:
    طبعا فترة غممان نفس و قريفه و جوع عشان كده اكلك يكون مليان الياف و حبوب القمح الكامله لتحسين مزاجكك و الشبع و معاهم البروتين،
    يومك فيه من ٢ الى ٣ ثمرات فاكهه و ٤ مرات سلطه خضرا يوميا،البروتين يفضل ٣ مرات فى اليوم متوزعين على الوجبات.
    الحلويات مرتين فى الاسبوع قطعه صغيره و يستحسن تكون بالنهار مع الفطار بدل الفاكهه.
    ٢- من الشهر الرابع للسادس:
    هنا نركز على مشتقات الحليب،يعنى ممكن ٣ مرات لبن و جبنه و رايب و زبادى،الحديد مهم جدا ،نزود شويه فى اللحوم الحمرا و البقوليات و نبدل الحلويات بالفاكهه،الزياده الطبيعيه فى الفتره دى نص كيلو فى الاسبوع.
    ٣- من الشهر السابع للتاسع:
    المرحله الاخيره دى فيها النفخ و الحرقان و احتباس الميه فى الجسم و معاها امساك،
    نعمل ايه عشان نقلل الاعراض دى بشكل كبير؟
    ابعدى عن العدس،و الفول و الحمص و الى زيهم،
    كترى خضار و فاكهه
    قللى بقدر الامكان عن الملح
    اكل الشوارع ممنوع بتاتا
    اشربى ميه كتير
    الزياده الطبيعيه فى الفتره دى حوالى ٦ كيلو و دى زياده لابد منها.
    الطفل نفسه حوالى ٣ كيلو و نص و بيحصل تصخم فى الرحم يعنى كيلو كمان و المشيمه ترمى نص كيلو و السوايل المحبوسه فى الجسم ٢ كيلو ونص،غير الزياده الى فى الدم و طبقات الدهون تحت الجلد بتزود كيلو كمان.
    عشان كده كل مره بتروحى للدكتور لازم يوزنك،لان الوزن او عدم زيادته دى علامه لصحتك فى فترة الحمل.
    *كلمه اخيره و يا ريت تعملى بيها و تفهميها صح:

    الى هتاكليه فى التسع شهور دول بتوع الحمل هوا الى هيحدد شكلك ال ٩ سنين الجايين.
    احمد الهلالي
    @مرسلة بواسطة
    كاتب ومحرر اخبار اعمل في موقع العاصمة نيوز .

    إرسال تعليق